قانونی عمل مکمل ہونے کے بعد چوکسی کی حوالگی: گیسٹن براؤن

نيويارك، 26 ستمبر  اینٹیگا کے وزیر اعظم گیسٹن براؤن نے کہا ہے کہ ان کے ملک میں مفرور کاروباری میہول چوکسی کی کوئی اوقات نہیں ہے اور تمام قانونی عمل مکمل ہونے کے بعد بغیر کسی تاخیر کے اس کو ہندوستان کے حوالہ کر دیا جائے گا۔
مسٹر براؤن نے یہاں دوردرشن سے انٹرویو میں کہا''ہمارے ملک میں قانون اور آزاد عدلیہ کا نظام ہے جس کے مطابق چوکسی کا معاملہ عدالت میں ہے۔ حکومت کا اس معاملہ میں کوئی مداخلت نہیں ہے۔ مجرموں کو بھی قانونی عمل کے تحت اپنا موقف رکھنے کا حق دیاجاتاہے ۔ چوکسی سے متعلق تمام قانونی اور عدالتی عمل مکمل ہونے کے بعد بغیر کسی تاخیر کے اس کو ہندوستان کے حوالہ کر دیا جائے گا''۔مسٹر براؤن نے اقوام متحدہ کی جنرل اسمبلی کے اجلاس سے الگ منعقد پہلے ہندوستان -كیریکام کانفرنس کے بعد یہ بات کہی۔
قابل غور ہے کہ مفرور ہیرا تاجر نے جنوری 2018 میں انٹیگاا اور باربوڈا کی شہریت حاصل کر لی تھی۔
پنجاب نیشنل بینک گھوٹالے کا ملزم میہول چوکسی ہندوستان کو مطلوب ہے۔