اناؤ معاملہ :سڑک حادثہ کی جانچ کےلیے سی بی آئی کو 15دن کی مزید مہلت

نئی دہلی ،25ستمبر, سپریم کورٹ نے اناؤ عصمت دری کی متاثرہ کے ساتھ پیش آئے سڑک حادثہ کی جانچ کےلیے مرکزی تفتیشی بیورو (سی بی آئی)کوبدھ کے روز 15دن کی مزید مہلت دیدی سی بی آئی کی طرف سے سالیسیٹر جنرل تشار مہتہ نے جسٹس دیپک گپتا اور جسٹس انیرودھ بوس کی بنچ کے سامنے دلیل دی کہ حادثہ میں زخمی وکیل کا بیان درج نہیں ہوسکا ہے ،اس لیے اسے جانچ پوری کرنے کےلیے کچھ اور مہلت دی جائےمسٹر مہتہ نے کہاکہ 28جولائی کو رائےبریلی سڑک حادثہ میں شدید طورپر زخمی وکیل مہیندر سنگھ کوما میں ہیں ،اس لیے انکا بیان درج نہیں کیاجاسکاہے ۔ایسے میں سی بی آئی کو مزید 15دن کی مہلت دی جائے ،جسے عدالت نے منظور کرلیا اور معاملہ کی سماعت اکتوبر تک کے لیے ملتوی کردی ۔